ສະຫວັນນະເຂດແລະຈຳປາສັກມີແຮງງານລາວຕິດໂຄວິດ 2,000 ປາຍຄົນແລ້ວ

ເປັນຕົວເລກທີ່ໜ້າເສົ້າສຸດໆອີກແຂວງໜຶ່ງສຳລັບຜູ້ຕິດເຊື້ອ ໂ ຄ ວິ ດ -19 ຊຶ່ງປະຈຸບັນປະເທດເຮົາແມ່ນມີຜູ້ ຕິ ດ ເຊື້ອສະສົມທີ່ 4.342 ຄົນ ໃນນັ້ນຢູ່ແຂວງສະຫວັນນະເຂດ 1,000 ກວ່າ ແລະອີກພັນປາຍຄົນແມ່ນຢູ່ແຂວງຈຳປາສັກ ທີ່ເຫຼືອເປັນແຂວງອື່ນໆ ແລະນະຄອນຫຼວງວຽງຈັນ ຖືວ່າບໍ່ໜ້ອຍເລີຍ.

ເຊິ່ງແຂວງສະຫວັນນະເຂດໃນວັນທີ 23 ກໍລະກົດ 2021 ເວລາ 15:00 ໂມງ ໄດ້ມີພິທີມອບ – ຮັບຜູ້ທີ່ປິ່ນປົວດີຈາກພະຍາດ ໂ ຄ ວິ ດ -19 ຈຳນວນ 27 ກໍລະນີ ທີ່ໄດ້ຮັບການປິ່ນປົວ ຢູ່ສູນປີ່ນປົວພະຍາດ ໂ ຄ ວິ ດ -19 ( ວິທະຍາໄລ ວິທະຍາສາດ ສຸຂະພາບ ) ແຂວງສະຫວັນນະເຂດ ກັບຄືນສູ່ຄອບຄົວເປັນທີ່ຮຽບຮ້ອຍແລ້ວ

ຂັ້ນຕອນຕໍ່ໄປຄືກັກຕົວໃຫ້ຄົບ 14 ວັນ ເພື່ອມາກວດຫາ ເ ຊື້ ອ ຄືນກ່ອນອອກໃຊ້ຊີວິດຕາມປົກກະຕິ. ໃນໂອກາດສົ່ງ-ມອບຜູ້ປ່ວຍ ໂ ຄ ວິ ດ ກັບບ້ານເຮືອນທິມແພດປິ່ນປົວ ໄດ້ກ່າວຕໍ່ໍ່ ຜູ້ທີ່ປີ່ນປົວດີເເລ້ວ, ຄອບຄົວວ່າ: ພາຍຫຼັງທີ່ກັບເມືອບ້ານແລ້ວ ຕ້ອງໄດ້ມີການສືບຕໍ່ ແຍກປ່ຽວກັກບໍລິເວນໂຕເອງຢູ່ເຮືອນຕື່ມອີກ 14 ວັນ,

ໃຫ້ເອົາໃຈໃສ່ປະຕິບັດມາດຕະການປ້ອງກັນຢ່າງເຂັ້ມງວດ ໃຫ້ຮັກສາໄລຍະຫ່າງທາງສັງຄົມ, ໃສ່ຜ້າອັດປາກ, ແລະ ໝັ່ນລ້າງມືໃສ່ສະບູຫຼື ເຈັວຂ້າເຊື້ອ ເປັນປະຈໍາ ຕະຫຼອດເຖິງ ການຕິດຕາມອຸນຫະພູມ ແລະ ອາການເຈັບເປັນຂອງຕົນເອງໃນແຕ່ລະວັນ, ຖ້າມີອາການເຈັບເປັນໃດນຶ່ງ ແມ່ນໃຫ້ໂທປຶກສາແພດເພື່ອຂໍຄໍາແນະນໍາໃນການປະຕິບັດຕົນ,

ທ່ານຍັງໄດ້ເນັ້ນໜັກໃຫ້ທາງຄອບຄົວ ແລະ ອໍານາດການປົກຄອງບ້ານໄດ້ຊີ້ແຈງຕໍ່ປະຊາຊົນພາຍໃນບ້ານໃຫ້ມີຄວາມເຂົ້າໃຈ ແລະ ໂດຍສະເພາະບໍ່ໃຫ້ມີການລັງກຽດຕໍ່ຜູ້ ຕິ ດ ເຊື້ອພະຍາດ ໂ ຄ ວິ ດ -19. ຜູ້ທີ່ໄດ້ຮັບການປິ່ນປົວດີແລ້ວ ແລະ ຄອບຄົວຂອງເຂົາເຈົ້າ, ໃຫ້ທຸກຄົນໃນສັງຄົມພ້ອມກັນເປັນກຳລັງໃຈ ແລະ ໃຫ້ການສະໜັບສະໜູນ ແລະ ການແນະນຳທີ່ດີຜູ້ທີ່ ຕິ ດ ເ ຊື້ ອ ກໍຄືຜູ້ທີ່ປິ່ນປົວດີ

ແລ້ວເພື່ອໃຫ້ມີກຳລັງໃຈສືບຕໍ່ການປະຕິບັດມາດຕະການປ້ອງກັນພະຍາດ ໂ ຄ ວິ ດ -19 ແລະ ການດໍາລົງຊີວິດປົກກະຕິແບບໃໝ່ ( New nor mal ) ທີ່ປອດໄພໃນຄອບຄົວ ແລະ ໃນສັງຄົມ. ແນວໃດກໍ່ຕາມສຳລັບແຂວງສະຫວັນນະເຂດແລ້ວມາຮອດປະຈຸບັນແມ່ນມີ ຜູ້ ຕິ ດ ເ ຊື້ ອ ສະສົມ 1.135 ຄົນ, ຍັງຄັ້ງສູນປິ່ນປົວ 904 ຄົນ ແລະ ປິ່ນປົວດີແລ້ວ 231 ຄົນ, ຍິງ 120 ຄົນ, ເສັຍຊີວິດ 1 ຄົນ.