ແຂວງຄຳມ່ວນກວດເຊື້ອ ໂ ຄ ວິ ດ -19 ນໍາເຂົ້າສູນຈຳກັດບໍລິເວນ ແ ຮ ງ ງານລາວມາຈາກຕ່າງປະເທດ

ແ ຮ ງ ງານລາວ ຫລື ພົນລະເມືອງລາວ ທີ່ຕົກຄ້າງຢູ່ຕ່າງປະເທດ ໂດຍສະເພາະປະເທດໄທໄດ້ກັບຄືນປະເທດເຂົ້າມາແຂວງຄຳມ່ວນ ຍັງເພີ່ມຂຶ້ນຢ່າງຕໍ່ເນື່ອງ ສະເລ່ຍປະມານ 30-50 ຄົນຕໍ່ມື້, ແຕ່ທຸກຄົນແມ່ນໄດ້ຜ່ານການກວດເຊື້ອ ໂ ຄ ວິ ດ -19 ແລະ ເຂົ້າສູນຈຳກັດບໍລິເວນຈົນຄົບຕາມກຳນົດ. ກອງເລຂາຄະນະສະເພາະກິດຕອບໂຕ້ ໂ ຄ ວິ ດ -19 ຂອງແຂວງຄໍາມ່ວນກ່າວ.

ທ່ານ ນາງ ພາສຸກ ຄຳມະນີທອງ ຫົວໜ້າກອງເລຂາຄະນະສະເພາະກິດຕອບໂຕ້ ໂ ຄ ວິ ດ -19 ແຂວງຄໍາມ່ວນກ່າວໃນວັນທີ 27 ກໍລະກົດນີ້ວ່າ: ແ ຮ ງ ງານລາວ ຫລື ພົນລະເມືອງລາວ ທີ່ກັບມາສ່ວນໃຫຍ່ແມ່ນບໍ່ມີໜັງສືເດີນທາງ ຫລື ໜັງສືໝົດກຳນົດ ແລະ ມີຈຳນວນໜຶ່ງທີ່ ຕິ ດ ເຊື້ອ ໂ ຄ ວິ ດ -19 ໃນນັ້ນມີທັງຜູ້ຖືພາ ແລະ ເດັກ ນ້ອຍ. ສະເພາະໃນວັນທີ 27 ກໍລະກົດ, ມີຜູ້ເດີນທາງເຂົ້າມາທັງໝົດ 35 ຄົນ, ໃນນັ້ນມີຜູ້ ຕິ ດ ເຊື້ອ ໂ ຄ ວິ ດ ເຖິງ 6 ຄົນ. ສຳລັບດ່ານແມ່ນປິດຮັບບໍ່ກາຍ 18:00 ໂມງໃນແຕ່ລະມື້.

ນັບຕັ້ງແຕ່ຕົ້ນປີ 2021 ຮອດປັດຈຸບັນ, ຈຳນວນ ແ ຮ ງ ງານລາວ ຫລື ພົນລະເມືອງລາວ ກັບຄືນປະເທດເຂົ້າມາແຂວງຄຳມ່ວນມີເກືອບ 3.000 ຄົນແລ້ວ ແລະ ປັດຈຸບັນມີຜູ້ຈຳກັດບໍລິເວນທັງໝົດຫລາຍກວ່າ 500 ຄົນ, ໂດຍແຕ່ລະມື້ຈະມີພາກສ່ວນທີ່ກ່ຽວຂ້ອງ ເປັນຕົ້ນແມ່ນ ພະແນກແຮງງານ ແລະ ສະຫວັດດີການສັງຄົມ, ພະແນກການຕ່າງປະເທດ ແລະ ປກສ ໄດ້ສຶກສາອົບຮົມແນວຄິດ, ກ່າວເຕືອນ ແລະ ໃຫ້ຄວາມຮູ້ທີ່ສຳຄັນ ແລະ ເປັນປະໂຫຍດແກ່ເຂົາເຈົ້າ. ນັບແຕ່ກາງເດືອນກໍລະກົດເປັນຕົ້ນມາ ແມ່ນບໍ່ມີກໍລະນີລັກລອບເຂົ້າມາ ຢູ່ພາຍໃນແຂວງຄຳມ່ວນເພາະພາກ ສ່ວນທີ່ກ່ຽວຂ້ອງຕ່າງໆ ໄດ້ມີການໂຄສະນາ ແລະ ໃຫ້ຄວາມຮູ້ເປັນປະຈຳ ເພື່ອເຮັດໃຫ້ເຂົາເຈົ້າມີຄວາມເຂົ້າໃຈ ແລະ ບອກຕໍ່ ເພື່ອເຫັນຄວາມສຳຄັນຕໍ່ຄວາມປອດໄພ ແລະ ກັບມາແບບ ຖື ກ ຕ້ອງຕາມ ກົ ດ ໝ າ ຍ.

ໂອກາດນີ້, ດຣ. ນາງ ພາສຸກ ຄຳມະນີທອງ ຕາງໜ້າກອງເລຂາຄະນະສະເພາະກິດ ກໍໄດ້ຮຽກຮ້ອງໃຫ້ທຸກຄົນ ນັບທັງຜູ້ທີ່ມີໜັງສື ແລະ ບໍ່ມີໜັງສື ທີ່ຍັງຕົກຄ້າງຢູ່ປະເທດໄທ ຫາກຕ້ອງການກັບຄືນມາປະເທດ ແມ່ນສາມາດພົວພັນກົງສູນ, ສະຖານທູດລາວ ຫລື ເຈົ້າໜ້າທີ່ ທີ່ກ່ຽວຂ້ອງໄດ້ຕະຫລອດເວລາ ເພື່ອກັບມາແບບ ຖື ກ ຕ້ອງ, ແຂວງຄຳມ່ວນຍິນດີຮັບເອົາທຸກຄົນ ໂດຍບໍ່ມີການປັບໃໝໃດໆ ແຕ່ຕ້ອງໄດ້ຜ່ານການກວດເຊື້ອ ໂ ຄ ວິ ດ -19 ແລະ ເຂົ້າສູນກັກກັນຕາມລະບຽບ ແລະ ມາດຕະການປ້ອງກັນການ ຕິ ດ ເຊື້ອ, ທັງນີ້ກໍເພື່ອຄວາມປອດໄພຂອງໂຕທ່ານເອງ, ຄອບຄົວ, ຍາດພີ່ນ້ອງ, ໝູ່ຄູ່ ກໍຄືປະຊາຊົນລາວ.

ແຫຼ່ງຂ່າວ: ເພກວິທະຍຸກະຈາຍແຫ່ງຊາດ (ສິງຄຳ)