ພິທີມອບເຄື່ອງຊ່ວຍເຫຼືອຄອບຄົວຖືກໄພພິບັດ

ເພື່ອເປັນການຊ່ວຍເຫຼືອບັນເທົາທຸກໃຫ້ແກ່ຄອບຄົວທີ່ຖືກໄພພິບັດທຳມະຊາດ,ໃນວັນທີ 30 ກໍລະກົດ 2021 ນີ້ຫ້ອງການແຮງງານ ແລະ ສະຫວັດດີການສັງຄົມ ເມືອງສາມັກຄີໄຊ ໃດ້ລົງມອບເຄື່ອງຊ່ວຍເຫຼືອໃຫ້ແກ່ຄອບຄົວທີ່ຖືກໄພພິບັດນ້ຳຖ້ວມ ໃນຈຳນວນ 6 ບ້ານຂອງເມືອງສາມັກຄີໄຊ

ພິທີດັ່ງກ່າວໄດ້ຈັດຂຶ້ນທີ່ຫ້ອງການບ້ານກະຍື ເມືອງສາມັກຄີໄຊ ໂດຍການໃຫ້ກຽດລົງຮ່ວມມອບໃນຄັ້ງນີ້ມີ ທ່ານ ເພັດມີໄຊ ຄຳພັກດີ ຄະນະປະຈຳພັກແຂວງ ເລຂາພັກເມືອງ ເຈົ້າເມືອງສາມັກຄີໄຊ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້ແມ່ນໃດ້ຮັບຈາກພະແນກແຮງງານ ແລະ ສະຫວັດດີການສັງຄົມແຂວງ ລວມມີ: ຜ້າຫົ່ມ,ເຂົ້າສານ ແລະ ປະເພດເຄື່ອງນຸ່ງຫົ່ມຈຳນວນໜຶ່ງ ລວມມູນຄ່າ 47 ລ້ານກວ່າກີບ,ຄອບຄົວທີ່ໃດ້ຮັບເຄື່ອງຊ່ວຍເຫຼືອໃນຄັ້ງນີ້ເປັນຄອບຄົວທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ,

ເຮືອນໄຫຼ,ເຮືອນເປ້ເພ ມີ 34 ຄອບຄົວໃນຈຳນວນ 6 ບ້ານຂອງເມືອງຄື: ບ້ານກະຍື 12 ຄອບຄົວ,ບ້ານຕຳມໍເລີຍ 1 ຄອບຄົວ,ບ້ານຮະລາງ 8 ຄອບຄົວ,ບ້ານກະໂສມ 1 ຄອບຄົວ,ບ້ານໄຊໂພສີ 8 ຄອບຄົວ ແລະ ບ້ານສະເພົາທອງ 4 ຄອບຄົວ,

ເປັນກຽດມອບເຄຶ່ອງຊ່ວຍເຫຼືອດັ່ງກ່າວໂດຍ ທ່ານ ເພັດມີໄຊ ຄຳພັກດີ ເຈົ້າເມືອງໆສາມັກຄີໄຊ,ກ່າວຮັບໂດຍບັນດາຄອບຄົວຈຳນວນດັ່ງກ່າວ ໂດຍຊ້ອງໜ້າພາກສ່ວນທີ່ກ່ຽວຂ້ອງຮ່ວມເປັນສັກຂີພະຍານ.