ທົ່ງໄຫຫີນຈະ ຖື ກ ບູລະນະເປັນມໍລະດົກ ໂ ລ ກ ຍີ່ງຂື້ນ

ລາວ-ອາເມລິກາ ຮ່ວມກັນ ບູລະນະ ແລະ ປົກປັກຮັກສາມໍລະດົກໂລກ ທົ່ງໄຫຫີນ ໃນວັນທີ 28 ສິງຫາ 2021 ທີ່ແຂວງຊຽງຂວາງ, ໄດ້ມີພິທີເຊັນສັນຍາຮ່ວມໂຄງການບູລະນະ ແລະ ປົກປັກຮັກສາມໍລະດົກໂລກ ທົ່ງໄຫຫີນ ພາຍໃຕ້ກອງທຶນ ທ່ານເອກອັກຄະລັດຖະທູດ ອາເມລິກາ ເພື່ອການອະນຸລັກວັດທະນະທຳ (AFCP) ຈໍານວນ 129.000 ໂດລາ ລະຫວ່າງທ່ານ ປີເຕີ ເຮມ໋ອນ ເອກອັກຄະລັດຖະທູດ ສະຫະລັດອາເມລິກາ ປະຈຳ ສປປ ລາວ ແລະ ທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີ ທ່ານ ສິວິໄລ ແສງຈະເລີນ ຮອງເຈົ້າແຂວງຊຽງຂວາງ, ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.

ທ່ານ ປີເຕີ ເຮມ໋ອນ ໄດ້ກ່າວວ່າ: ຂ້ າ ພະເຈົ້າມີຄວາມຮູ້ສຶກດີໃຈທີ່ສຸດ ທີ່ໄດ້ເປັນສ່ວນໜຶ່ງ ໃນການສືບຕໍ່ປົກປັກຮັກສາແຫລ່ງວັດທະນະທໍາ ທາງດ້ານປະຫວັດສາດທີ່ໜ້າປະທັບໃຈນີ້. ໄຫຫີນແຫ່ງນີ້,ເປັນສິ່ງທີ່ອ້າງອີງເຖິງ ຮີ ດ ຄອງປະເພນີ ຂອງ ສປປ ລາວ ເຊິ່ງນັບຫວນຄືນຫລັງຫລາຍພັນປີ. ໃນຂະ ນະທີ່ພວກເຮົາພວມສະເຫລີມສະຫລອງຄົບຮອບ 5 ປີ ສາຍພົວພັນແບບກວມລວມ ລະຫວ່າງ ສະ ຫະລັດອາເມລິກາ ແລະ ສປປ ລາວ ແລະ ການສະເຫລີມສະຫລອງ ຄົບຮອບ 20 ປີ ຂອງ ໂຄງ ການ AFCP ໃນ ສປປ ລາວ, ພວກເຮົາມີຄວາມໝາຍໝັ້ນ ທີ່ຈະເຮັດວຽກຮ່ວມກັບປະຊາຊົນ ແລະ ລັດຖະບານ ສປປ ລາວ ໃນທຸກດ້ານໃນການປົກປັກຮັກສາ ແລະ ພັດທະນາເສດຖະກິດ-ສັງຄົມ.

ກິດຈະກຳທີ່ຈະໄດ້ຈັດຕັ້ງປະຕິບັດ ໂຄງການບູລະນະ ແລະ ປົກປັກຮັກສາມໍລະ ດົ ກ ໂລກທົ່ງໄຫຫີນ ກໍຄື: ການສ້າງຖານຂໍ້ມູນໄຫຫີນ ແລະ ລະບົບ GIS ເພື່ອຮັກສາ ບັ ນ ຊີ ລາຍຊື່ໄຫຫີນ ແລະ ແຫລ່ງໄຫຫີນ, ການອະນູລັກຮັກສາ ແລະ ບູລະນະຄຸ້ມຄອງໄຫຫີນ ທີ່ມີຄວາມ ເ ສ ຍ ຫ າ ຍ ລວມທັງຝາປິດພ້ອມ. ນອກນັ້ນ, ຍັງຈະໄດ້ມີການສ້າງຄວາມ ເ ຂັ້ ມ ແ ຂ ງ ໃຫ້ແກ່ພະນັກງານ ແລະ ເ ຈົ້ າ ໜ້ າ ທີ່ ຫ້ອງການມໍລະດົກໂລກ ທີ່ຮັບຜິດຊອບໃນເຂດມໍລະດົກແຫ່ງນີ້.

ທ່ານ ອຸ່ນທວງ ຂາວພັນ ໄດ້ກ່າວວ່າ: ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ພວກເຮົາຮູ້ສຶກເປັນກຽດ ທີ່ໄດ້ຮ່ວມກັບ ສະຖານເອກອັກລັດຖະທູດ ສະຫະລັດ ອາເມລິກາ ປະຈຳ ສປປ ລາວ ໄດ້ລົງນາມສັນຍາ ໂຄງການອະນຸລັກ ແລະ ປະຕິສັງຂອນໄຫຫີນບູຮານທີ່ເກົ່າແກ່ ແຕ່ຍຸກສະໄໝ 500 ປີ ກ່ອນຄີຣິສຕະສັກກະລາດ ອັນມີຄວາມໝາຍຄວາມສຳຄັນ ຢູ່ທີ່ສະຖານມໍລະດົກໂລກທົ່ງໄຫຫີນຊຽງຂວາງ ແຫ່ງນີ້. ພ້ອມນີ້, ກໍຂໍສະແດງຄວາມຍ້ອງຍໍຊົມເຊີຍ ແລະ ຂອບໃຈເປັນຢ່າງສູງມາຍັງລັດຖະບານສະຫະລັດອາເມລິກາ ໂດຍສະເພາະ

ສະຖານເອກອັກຄະລັດຖະທູດ ສະຫະ ລັດອາເມລິກາ ປະຈຳ ສປປ ລາວ ທີ່ໄດ້ມີຂໍ້ລິເລີ່ມເພື່ອຂໍທຶນຊ່ວຍເຫລືອລ້າ ໃນການຈັດຕັ້ງປະຕິບັດໂຄງການດັ່ງກ່າວ, ພາຍໃຕ້ກອງທຶນທ່ານທູດສະຫະລັດອາເມລິກາ ເພື່ອການອະນຸລັກວັດທະນະທຳ ປະຈຳ ປີ 2021, ໂດຍຈະເລີ່ມຈັດຕັ້ງປະຕິບັດ ແຕ່ນີ້ ຈົນເຖິງ ທ້າຍປີ 2023. ໂຄງການດັ່ງກ່າວ, ຈະປະກອບສ່ວນອັນສຳຄັນ ເຂົ້າໃນການຍົກລະດັບຄວາມ ເ ຂັ້ ມ ແ ຂ ງ ໃຫ້ແກ່ບຸກຄະລາກອນ ທັງເປັນ ການອະນຸລັກປະຕິສັງຂອນບັນດາວັດຖຸບູຮານ ແລະ ສ້າງລະບົບການຄຸ້ມຄອງມໍລະດົກວັດທະນະທຳປະຫວັດສາດຂຶ້ນສູ່ລະດັບສາກົນ ແລະ ປະຊາຊົນທ້ອງຖິ່ນມີສ່ວນຮ່ວມ.

ສປປ ລາວ ແລະ ສະຫະລັດອາເມລິກາ ເປັນປະເທດຄູ່ຮ່ວມພັດທະນາ ນັບແຕ່ການສ້າງຕັ້ງສາຍພົວພັນການທູດເມື່ອ ປີ 1955 ເປັນຕົ້ນມາ, ສາຍພົວພັນ ແລະ ການຮ່ວມມື ສອງຝ່າຍ ແມ່ນໄດ້ຮັບການພັດທະນາດີຂຶ້ນເລື້ອຍໆ ໂດຍສະເພາະໂຄງການປົກປັກຮັກສາມໍລະດົກວັດທະນະທຳ ຂອງ ສປປ ລາວ ໂດຍຜ່ານການສະໜັບສະໜູນ ຈາກກອງທຶນທູດອາເມລິກາ ກໍມີຫລາຍໂຄງການ ໄດ້ຮັບການຈັດຕັ້ງປະຕິບັດຢ່າງມີ ຜົ ນ ສຳເລັດ ໃນຊຸມປີຜ່ານມາ, ຊຶ່ງປີນີ້ ກໍກ້າວເຂົ້າສູ່ປີທີ 5 ແຫ່ງການຮ່ວມມືແບບກວມລວມ ລະຫວ່າງ ສປປ ລາວ ແລະ ສະຫະລັດອາເມລິກາ ຂ້ າ ພະເຈົ້າເອງກໍເຊື່ອໝັ້ນວ່າ ບັນດາຜົນສຳເລັດທີ່ກ່າວມານັ້ນ ຈະປະກອບສ່ວນສຳຄັນເຂົ້າໃນການ ຮັ ດ ແ ໜ້ ນ ສາຍພົວພັນມິດຕະພາບ ແລະ ການຮ່ວມມືທີ່ມີມາແຕ່ດົນນານ ລະຫວ່າງ ສອງປະເທດ ພວກເຮົາ ໃຫ້ນັບມື້ຈະເລີນງອກງາມ ຍິ່ງໆຂຶ້ນ ແລະ ຫວັງວ່າວຽກງານອະນຸລັກວັດທະນະທຳ ຂອງ ສປປ ລາວ ຈະໄດ້ຮັບການສືບຕໍ່ສະໜັບສະໜູນຈາກກອງທຶນດັ່ງກ່າວອີກຕື່ມໃນຕໍ່ໜ້າ.

ພ້ອມນີ້, ທ່ານຮອງລັດຖະມົນຕີ ຍັງໄດ້ແນະນຳໃນການຈັດຕັ້ງປະຕິບັດໂຄງການນີ້, ໂດຍມອບໃຫ້ຫ້ອງການມໍລະດົກໂລກທົ່ງໄຫຫີນຊຽງຂວາງ ແລະ ພະແນກ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຊຽງຂວາງ ສົມທົບກັນ ພ້ອມທັງປະສານກັບກົມວິຊາການ ຂອງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ຜູ້ໃຫ້ທຶນ ໃຫ້ຕໍ່ເນື່ອງມີການຕິດຕາມ, ກວດກາ, ປະເມີນຜົນ ແລະ ລາຍງານໃຫ້ເປັນລະບົບ ເຮັດໃຫ້ໂຄງການໄດ້ຮັບ ຜົ ນ ສຳເລັດຕາມ ຄ າ ດ ໝາຍທີ່ວາງໄວ້.