ເຊື່ອມຕໍ່ສະໜາມກິລາໂອລິມປິກລະດູໜາວດ້ວຍລົດໄຟຄວາມໄວສູງ

ຄັ້ງທຳອິດທີ່ງານກິລາໂອລິມປິກ ໄດ້ເຊື່ອມຕໍ່ສະໜາມກິລາທັງໝົດ ດ້ວຍລົດໄຟຄວາມໄວສູງ ແຫລ່ງຂ່າວ CRI ລາຍງານວ່າ: ເນື່ອງໃນໂອກາດວັນນັບຖອຍຫລັງຍັງອີກ 100 ວັນຈະຈັດງານກິລາໂອລິມປິກລະດູໜາວປັກກິ່ງ ປີ 2022, ວຽກງານຮັບປະກັນດ້ານຄົມມະນາຄົມຂອງງານດັ່ງກ່າວກໍໄດ້ກ້າວເຂົ້າສູ່ໄລຍະສຸດທ້າຍແລ້ວ.

ທາງລົດໄຟຄວາມໄວສູງປັກກິ່ງ-ຈ່າງເຈ່ຍໂຂ ໄດ້ສ້າງສຳເລັດ ແລະ ເປີດນຳໃຊ້ໃນວັນທີ 30 ທັນວາ 2019, ທາງລົດໄຟສາຍນີ້ຍັງໄດ້ສ້າງຕັ້ງໜ່ວຍງານ ຮັບໃຊ້ງານໂອລິມປິກສະເພາະທີ່ຊື່ວ່າ: “ຄວາມຝັນຂອງຫິມະ” ເພື່ອເຜີຍແຜ່ ຄວາມຮູ້ກ່ຽວກັບງານກິລາໂອລິມປິກລະດູໜາວ ໃຫ້ແກ່ຜູ້ໂດຍສານ ໃຫ້ຮັບຮູ້. ທ່ານ ກຸ້ຍລິນ ຫົວໜ້າຫ້ອງການວາງແຜນລວມ

ຂອງ ພ ະ ແນກວາງແຜນ ແລະ​ ກໍ່ສ້າງ ຂອງຄະນະ ກ ຳ ມະການຈັດງານໂອລິມປິກລະດູໜາວ ປັກກິ່ງ ກ່າວວ່າ: ສະໜາມແຂ່ງຂັນກິລານ້ຳກ້ອນ ແລະ ຫິມະໃນງານກິລາ ໂອລິມປິກລະດູໜາວປັກກິ່ງ ຕັ້ງຢູ່ຫ່າງໄກກັນທີ່ສຸດ ເຖິງ 200 ກິໂລແມັດ, ເກືອບເປັນໄລຍະທີ່ໄກທີ່ສຸດໃນປະຫວັດສາດຂອງງານກິລາໂອລິມປິກລະດູໜາວ.

ການກໍ່ສ້າງທາງລົດໄຟຄວາມໄວສູງປັກກິ່ງ-ຈ່າງເຈ່ຍໂຂ ໄດ້ເຮັດໃຫ້ງານກິລາໂອລິມປິກລະດູໜາວປັກກິ່ງ ກາຍເປັນງານກິລາໂອລິມປິກລະດູໜາວ ຄັ້ງທຳອິດ ໃນຮອບ 100 ປີ ໃນປະຫວັດສາດງານໂອລິມປິກ ທີ່ໄດ້ເຊື່ອມຕໍ່ສະໜາມກິລາກາງແຈ້ງ ແລະ ສະໜາມກິລາໃນຮົ່ມທັງໝົດດ້ວຍທາງລົດໄຟ ຄວາມໄວສູງ.